Donald Tramp Hörmüz boğazının adının “Tramp boğazı” olaraq dəyişdirilməsini təklif edir

ABŞ prezidenti Donald Tramp Hörmüz boğazının ABŞ-ın nəzarəti altında olduğunu əsas gətirərək adının "Tramp Boğazı" olaraq dəyişdirilməsini təklif edə biləcəyini bəyan edib və İranın Hörmüz boğazını gəmilərin daşınması üçün açmaqla bağlı 7 günlük atəşkəs təklifini rədd etməsindən sonra bu həftə yeni danışıqlar aparacağını açıqlayıb. Tramp əvvəlki açıqlamalarında Hörmüz boğazının Amerika donanmasının nəzarəti altında olduğunu və bunun “ABŞ ərazisi” sayıla biləcəyini iddia etmişdi.

"Axios" xəbər platformasına verdiyi açıqlamada Tramp deyib ki, "İran öz gücünü həddən artıq qiymətləndirib... Mən daim İrana qarşı hücumları yenidən başlatmağı düşünürəm". ABŞ prezidenti Hörmüz boğazının naviqasiya üçün açılması ilə bağlı İranla növbəti danışıqları gözlədiyini bildirib.

İran tərəfi ABŞ-la görüşün planlaşdırılmadığını müdafiə etsə də, AP agentliyi vasitəçilərin tərəflər arasında mümkün razılaşma üzərində işləməyə davam etdiyini bildirib. Verilən məlumata görə, münaqişələrə son qoymaq və Hörmüz boğazının naviqasiya üçün yenidən açılması məqsədi daşıyan dolayı danışıqların yenidən başlaması gözlənilir.