İslandiyadan Donald Trampın "İşğal xəritəsi"nə sərt reaksiya: "Siz heç gülməli deyilsiniz"

ABŞ prezidenti Donald Trampın sosial mediada paylaşdığı xəritəyə görə İslandiya ilə ABŞ arasında diplomatik gərginlik artır. İslandiyanın ictimai yayımı RUV-nin verdiyi məlumata görə, İslandiyanın baş naziri Frostadottir və İslandiyanın xarici işlər naziri Thorgerdur Katrin Gunnarsdottir, Trampın adanı “ABŞ ərazisi” kimi göstərən qalmaqallı xəritə paylaşımından sonra təcili birgə mətbuat konfransı keçirib.

"Suverenliyimizlə məzələnməkdə gülməli heç nə yoxdur"

Baş nazir Frostadottir ABŞ Prezidenti Donald Trampın İslandiyanı, Kanada, Meksika və Qrenlandiya ilə birlikdə ABŞ sərhədləri daxilində göstərdiyi yazısını tənqid edib. Bu eyhamın son dərəcə "gülünc" və qəbuledilməz olduğunu bildirən Frostadottir, "Bu ifadə forması açıq şəkildə İslandiyalılara, Kanadalılara və Qrenlandiyalılara qarşı təhqirdir. Bu mövzuda açıq və barışmaz bir mövqe tutmalıyıq"dedi. Beynəlxalq hüquqa və dövlətlərin müstəqilliyinə vurğu edən baş nazir, “Dövlətlərin suverenliyinə lağ etməkdə gülməli və ya normal bir şey yoxdur”deyərək reaksiyasını bildirib.

Tramp tərəfindən paylaşılan mübahisəli "İşğal xəritəsi"

Tramp işğal xəritəsini dərc edib

"İslandiya Müstəqil və Suveren Dövlətdir"

Birgə mətbuat konfransında çıxış edən İslandiyanın xarici işlər naziri Thorgerdur Katrin Gunnarsdottir də ABŞ prezidentinin bu addımını sərt şəkildə tənqid edib. Bu postun tamamilə diplomatik praktikaya zidd olduğunu və “uyğunsuz” olduğunu vurğulayan nazir Qunnarsdottir bütün dünyaya İslandiyanın suveren və tam müstəqil, öz qərarlarını verən dövlət olduğunu bir daha xatırladıb. Şimali Atlantikadakı bu strateji adanın müstəqilliyinin vurğulanması beynəlxalq ictimaiyyətdə də geniş dəstək qazanıb.