İstanbulda nəqliyyat sıxlığı adambaşına ildə 288 saat vaxt itkisinə səbəb olur

Türkiyə boyu aparılan araşdırma və cari məlumatlar İstanbulda tıxacın iqtisadi dəyərini və vaxt itkisini ortaya qoydu. Hesabata görə, İstanbulda trafikə görə əlavə yanacaq sərfiyyatının dəyəri təxminən 760 milyon dollara çatır, nəqliyyat sıxlığı isə adambaşına ildə 288 saata qədər vaxt itkisinə səbəb olur.

Türkiyə üzrə 15 və daha yuxarı yaşda olan 3 min insanla aparılan araşdırmada iştirakçıların yüzdə 61,8-i avtomobil sürdüyünü, yüzdə 43,8-i isə avtomobil sahibi olduğunu bildirib. Ölkə üzrə nəqliyyat vasitələrinin sayı ilə bağlı məlumatların da yer aldığı hesabatda, 2015-ci ildə təxminən 20 milyon olan nəqliyyat vasitələrinin sayının 2025-ci ilin oktyabr ayının sonuna qədər 33 milyon 193 min 636-ya çatdığı bildirilib.

İstanbulda tıxacın yaratdığı illik 288 saat vaxt itkisi təxminən 12 tam günə uyğundur. Hesabatda INRIX 2025 məlumatlarına da toxunulub və təkcə tıxac səbəbindən bir sürücünün ildə orta hesabla 105 saat itirdiyi bildirilib. Hesabatda qiymətləndirmələrinə yer verilən Nəqliyyat Mütəxəssisi Dr. Fatih Gündoğan "Trafik problemini həll etmək üçün ictimai nəqliyyatın inkişafı vacibdir" dedi.