İtaliyada mafiya əməliyyatı: divarların və döşəmələrin altından 3 milyon 200 min avro tapıldı

İtaliya polisi Neapol şəhərində bir evdə keçirdiyi əməliyyat nəticəsində divar və döşəmənin altında gizlədilmiş 3 milyon 200 min avro pul ələ keçirib. Keçirilən reyd nəticəsində narkotik vasitələrin qanunsuz dövriyyəsi, hədə-qorxu ilə tələb etmə və mafioz tipli cinayət təşkilatı yaratmaqda təqsirli bilinən 34 nəfər saxlanılıb.

Axtarışlar zamanı streç plyonkaya bükülmüş 50 avroluq əskinasların divarların və döşəmənin altında normal cərgələrdə gizlədildiyi məlum olub. Müsadirə edilən pullar plastik təmizləyici vedrələrdə aparılaraq zirehli maşına yüklənib.

Polis qrupları ünvanda apardıqları axtarışlar zamanı nağd puldan əlavə 11 dəbdəbəli Rolex saatı və çoxlu silah ələ keçirib. Saxlanılan şübhəlilər barəsində məhkəmə prosesi davam edir.