Rusiyadan Qərbə açıq hədə-qorxu: “Ukraynaya qoşun göndərmək birbaşa müharibə elanıdır”

Rusiya xarici işlər naziriSergey Lavrov Yekaterinburqda keçirilən Beynəlxalq Gənclər Festivalı çərçivəsində qlobal gündəmlə bağlı tənqidi açıqlamalar verib. Ukrayna böhranından ABŞ-la münasibətlərə, kosmosda silahlanma yarışından Ermənistanın Avropa İttifaqına (Aİ) yönəlməsinə qədər bir çox aktual mövzuları dəyərləndirən Lavrov Qərb dünyasına sərt mesajlar verib.

Avropalı əsgərlərin Ukraynaya göndərilməsi birbaşa müharibənin səbəbidir

Avropa ölkələrinin Ukrayna ərazisinə hərbi qoşun yeritmək planlarını və müzakirələrini sərt şəkildə tənqid edən Lavrov bu addımın geri dönməz nəticələr verəcəyini bildirib. Rusiyalı nazir “Bu vəziyyət Avropanın Rusiyaya qarşı hibrid mübarizə deyil, birbaşa müharibə elan etməsi mənasına gələcək” deyərək sərhəd xətlərinin aydınlığını açıqlayıb

Ukrayna böhranının diplomatik həll yollarına toxunan Lavrov, danışıqlara qapını tam bağlamadıqlarını bildirib. Sülh danışıqlarının bərpasının mümkünlüyü barədə danışan Lavrov: "Danışıqlarla bağlı konkret təkliflər gözləyəcəyik, lakin böyük gözləntilərimiz yoxdur. Həm ikitərəfli, həm də üçtərəfli formatda danışıqlara hər zaman hazırıq. Rusiya olaraq, dialoq mexanizmlərindən heç vaxt vaz keçməmişik" deyib. Danışıqların tərəflərin razılaşdığı istənilən üçüncü ölkədə keçirilə biləcəyini qeyd edən Lavrov, qalıcı həll üçün böhranın kök səbəblərinin aradan qaldırılmasının vacibliyini vurğulayıb.

ABŞ ilə əlaqələr və kosmosda silahlanma yarışının gərginliyi

Vaşinqtonla təmaslara toxunan Lavrov amerikalı həmkarlarının ikitərəfli dialoqun yenidən başlaması üçün təkliflər verdiyini açıqlayıb. Təmasların davam etdiyini deyən Lavrov, hərtərəfli və sağlam dialoq üçün iki ölkə arasında münasibətlərin ümumilikdə yaxşılaşdırılmasının vacibliyini vurğulayıb.

ABŞ-ın kosmik hərbi strategiyalarını sərt şəkildə tənqid edən Lavrov, onlar kosmosun silahlaşdırılmasına qəti şəkildə qarşı olduqlarını bir daha vurğulayıb. Lavrov, "Açıq şəkildə bildiririk ki, nüvə silahı da daxil olmaqla, hər cür silahın kosmosda yerləşdirilməsinə qarşıyıq. Bununla belə, amerikalı tərəfdaşlarımız bu mövzuda güzəştə getmək istəmir. Bu, pis, konstruktiv olmayan danışıqlar mövqeyidir. Prinsipial mövqeyimizi qoruyuruq". Rusiyalı nazir həmçinin bəyan edib ki, Rusiya ilə ABŞ arasında silahlara nəzarət üzrə yeni sazişin həyata keçirilməsi üçün danışıqların vaxtı çatıb.

"Ermənistan öz qərarını verməlidir: Aİ İrəvanı aldada bilər"

Avropa ilə təhlükəsizlik məsələlərində heç bir yeni müqavilə bağlamayacaqlarını bəyan edən Lavrov münasibətləri pozan tərəfin Avropa olduğunu xatırladıb. Qərb dünyasından gələ biləcək mümkün dialoq addımlarına qarşı ehtiyatlı olduqlarını ifadə edən Lavrov, “Avropa ölkələrindən biri bizimlə ciddi dialoq qurmaq istəyəndə onları dinləyəcəyik, ancaq dərhal onların qucağına atılmayacağıq”dedi.

Lavrov çıxışında Ermənistanın son vaxtlar vüsət alan Avropa İttifaqı ilə yaxınlaşma meylini də dəyərləndirib və İrəvan administrasiyasına xəbərdarlıq edib. Ermənistanın dəqiq qərar verməli olduğunu deyən Lavrov: “Avropa Birliyinə üzvlük prosesi rəsmən başlayıbsa, biz Rusiya olaraq Ermənistanın Aİ-yə üzvlük hazırlığını maliyyələşdirmək istəmirik”Avropa İttifaqının genişlənmə siyasətlərini tənqid edən Lavrov Türkiyə və Serbiyadan misallar çəkərək, ittifaqın Yervanı uzun müddət vəd edərək diqqətini yayındıra və aldada biləcəyini proqnozlaşdırıb.