Serbiyada 52 gün davam edən Deliblato Sands meşə yanğını söndürülüb.

Avqustun 2-də Serbiyanın Deliblato Sands bölgəsində başlayan və Avropa Birliyi (Aİ) ölkələrinin dəstəyi ilə müdaxilə edilən böyük meşə yanğını 52 günlük işdən sonra tamamilə söndürülüb. Serbiyanın daxili işlər naziri İvitsa Daçiç uzun müddət söndürülən yanğında insan itkisinin olmadığını açıqlayıb.

Yazılı açıqlamasında nazir İvitsa Daçiç AB ölkələri Çexiya, Slovakiya və Rumıniyanın da söndürmə işlərinə qatıldığını bildirib. Yanğını "Serbiya tarixinin ən çətin və ən böyük yanğınlarından biri" olaraq xarakterizə edən Daçiç Deliblato Sands bölgəsindəki yanğına 560-dan çox yanğınsöndürən və 170 yanğınsöndürən maşınının müdaxilə etdiyi məlumatını paylaşıb.

Daxili İşlər Naziri Daçiç yanğının tamamilə nəzarətə götürülməsindən sonra söndürmə işlərində iştirak edən və dəstək verən hər kəsə təşəkkür edib.