Евробиримдик жана 51 өлкөдөн Орусияны токтоосуз жана шартсыз ок атышууну токтотууга чакырды

Европа Биримдигине (ЕБ) мүчө 27 өлкөнүн жана Улуу Британия, Израиль, Австралия, Түштүк Корея жана Япония сыяктуу 51 өлкөнүн өкүлдөрү АКШнын Нью-Йорк шаарында өткөн Бириккен Улуттар Уюмунун Коопсуздук Кеңешинин Украина боюнча жыйынынын алдында биргелешкен билдирүү жасап, Орусияны токтоосуз жана эч кандай шартсыз ок атышууну токтотууну кабыл алууга чакырышты.

Биргелешкен билдирүүдө Орусиянын Украинанын бардык жеринде жарандарга жана жарандык инфраструктурага кол салууларын күчөтүшүнө байланыштуу терең тынчсыздангандыктары билдирилип, Украина менен тилектештик билдирүүсү берилди. Өзгөчө Кара деңиздеги кол салууларга көңүл бурулган билдирүүдө: «Орусия Украинанын дан экспортун үзгүлтүккө учуратууга аракет кылууда жана муну менен глобалдык азык-түлүк коопсуздугун коркунучка салууда.»Ошондой эле Кара деңизде жүрүү эркиндигин камсыз кылуу аракеттеринин колдоого алынганы, соода кемелери менен маанилүү инфраструктуранын корголушу керектиги баса белгиленди.

Орусияны дипломатияга жана сүйлөшүүлөргө чакыруу

Билдирүүдө Украинанын 2025-жылдын мартынан бери «толук, дароо жана эч кандай шартсыз» ок атышпоо келишимин кабыл алганына көңүл бурулуп, өкүлдөр орус администрациясына кайрылып: «Биз Орусияны акырында тынчтыкка алып баруучу маңыздуу дипломатия жана сүйлөшүүлөргө карай керектүү кадамды жасоого чакырабыз»,-деп айтты.

Ишеним чөйрөсүн калыбына келтирүү үчүн Орусияга камактагы украиналык жарандардын жана согуш туткундарынын мекенине кайтарылышын камсыздоого чакырык жасалды. Декларациянын корутундусунда төмөнкүдөй билдирүүлөр камтылган: "Украина тынчтыкты каалайт. Биз тынчтыкты каалайбыз. Орусия агрессиясын токтотуп, ок атышпоо келишимин кабыл алышы керек жана эл аралык укуктун негизинде ар тараптуу, адилет жана туруктуу тынчтык үчүн сүйлөшүүлөргө маңыздуу катышышы керек"