Испаниядагы чоң өрткө Түркиядан шашылыш колдоо: 2 өрт өчүрүүчү учак учту

Бүткүл Европага таасирин күчөткөн катуу ысык жана кургакчылык Испаниянын тарыхындагы эң чоң экологиялык кырсыктардын бирине алып келди. Мадрид өкмөтү өлкө боюнча чоң көзөмөлгө алынбаган токой өрттөрүнөн улам эл аралык чукул жардамга чакырды. Түркия Европа Биримдиги (ЕБ) Жарандык коргонуу механизми аркылуу жасалган бул чакырыкка биринчилерден болуп жооп берди. Түркия Республикасы дос жана союздашы Испанияга колдоо көрсөтүү максатында аймакка өзгөчө кырдаал коду менен 2 өрт өчүрүүчү учак жөнөттү.

Министр Юмаклы: Токойлор бүт адамзаттын орток мурасы

Айыл чарба жана токой чарба министри Ибрахим Юмаклы бул темага байланыштуу билдирүүсүндө Европанын ар кайсы аймактарында болгон өрт кырсыктарын чоң кайгыруу менен байкап жаткандарын айтты. Түркиянын кыйын күндөрдө муктаж болгон өлкөлөрдүн ар дайым жанында экенин баса белгилеген министр Юмаклы : «Ушул алкакта дос өлкө Испаниянын колдоо өтүнүчү менен эки өрт өчүрүүчү учакты дайындадык. Биздин тилегибиз – дүйнөнүн кайсыл жеринде болсо да токой күйбөсүн, эч кимге зыян келтирилбесин. Анткени токой бүткүл адамзаттын орток мурасы

Мадрид элчилигинин эл аралык тилектештикке басым жасоо

Түркиянын Мадриддеги элчилиги да операциянын детальдарына байланыштуу расмий билдирүү жарыялап, кырсыктар менен күрөшүүдө глобалдык кызматташтыктын маанисине көңүлдөрдү бурду. Билдирүүдө Түркиянын Испания калкы менен толук тилектеш экени билдирилип: «Европа Биримдигинин жарандык коргоо механизминин алкагында Испания бийлиги тарабынан жасалган жардам өтүнүчүнүн негизинде Түркия Испанияга эки өрт өчүрүүчү учак жөнөтүүдө. Испания калкынын тезирээк сакайып кетишин тилеп, өрт өчүрүү иштеринде чоң кызмат өтөгөн элине ийгиликтерди каалайбыз»,-деди.

Испания тарыхындагы эң чоң өрт кризисине туш болууда

Испания тарыхындагы эң кыйраткыч токой өрт кырсыктарынын бирин баштан кечирүүдө. Өлкө боюнча жарыяланган улуттук өзгөчө кырдаалдын алкагында ушул убакка чейин 100 миңден ашуун киши коопсуз аймактарга эвакуацияланды. Жалын 130 миң гектардан ашык токой аянтын күлгө айландырган өлкөдө өрт өчүрүү топтору жетишсиз болгондо эл аралык жардам сөзсүз боло баштады. Түркиянын жиберген абадан колдоосу Испанияда абдан жактырылып, Европа Парламентинин Испания мүчөсүНачо Санчес Амор, бул маанилүү жана тез жардам кыймылы үчүн президентРежеп Таййип Эрдоганга жана Түркияга ыраазычылык билдирди. Белгиленген түрк учагынын аймакка жеткенде испаниялык топтор менен координацияда өрт өчүрүү иштерине катыша турганы билдирилди.