Жапонияда Будда ибадатканасында чыккан өрттөн 5 адам каза болду

Анкара

NHK мамлекеттик телеканалынын маалыматына ылайык, Жапониянын Шимонсеки районунун Тойоура-чо аймагында жайгашкан эки кабаттуу жыгач Будда ибадатканасында өрт чыкты.

Өрт тууралуу кабар алгандан кийин өрт өчүрүүчүлөр тез арада окуя болгон жерге барышты.

Жаңылыктарды телефонуңузга алыңыз!

Өрт өчүрүүчүлөр тарабынан болжол менен 3 сааттык иштин натыйжасында өрт көзөмөлгө алынды. Бирок, жалпы 730 чарчы метр аянтка жайылган негизги зал, турак жай жана кампасы толугу менен зыянга учурады.

Тилекке каршы, урандылардын арасынан 2си бала болгон 5 адамдын сөөгү табылды.

Ибадаткананын жайгашкан жери Каватана Онсен темир жол станциясынан болжол менен 1 чакырым аралыкта экени белгиленди.

Өрттүн чыгуу себеби боюнча кеңири иликтөө башталды.