Кремлдин Украина жана глобалдык энергетика рыногу боюнча билдирүүсү: "Аларды кысымга туруштук бере алабыз деп ойлоо жаңылыштык"

Кремлдин басма сөз катчысы Дмитрий Песков борбор шаар Москвада өткөргөн маалымат жыйынында глобалдык күн тартиби жана Орусия-Украина согушуна байланыштуу өтө сынчыл билдирүүлөрдү жасады. Орусиянын аскердик операцияларында чечкиндүүлүгүн баса белгилеген Песков, Украинанын Орусиянын аскердик күчүнө көпкө чейин туруштук бере алат деп ойлошунун чоң жаңылыштык экенин айтты.

"Орус армиясы белгиленген максаттарга карай чечкиндүүлүк менен илгерилеп баратат"

Фронт сызыгындагы учурдагы динамика Орусиянын аскердик артыкчылыгын жана прогрессин ачык көрсөтүп жатканын ырастап, басма сөз катчысы Песков талаадагы абалды аскердик эксперттер даана көрө аларын айтты. Песков Москванын аскердик стратегиясында чечкиндүүлүгүн баса белгилеп, : «Талаадагы абал бардык профессионалдар үчүн абдан ачык; Орус күчтөрү алдын ала белгиленген максаттарга жетүү үчүн чечкиндүү кадам таштоодо жана муну улантат. Бул тууралуу эч кимдин кымындай да күмөн санабашы керек»деди.

Москва Трамптын чабуулдарды токтотуу чакырыгын колдойт

АКШнын президенти Дональд Трамптын Украинанын президенти Владимир Зеленскийге Орусиянын мунай иштетүүчү заводдоруна кол салууну токтотуу чакырыгына баа берген Песков бул кадамды оң деп баалаганын айтты. Жарандык инфраструктура объектилерин бутага алган ар кандай кол салууларды токтотуу чакырыктарын кубаттагандарын белгилеген Кремлдин басма сөз катчысы глобалдык дипломатиянын маанисине көңүлдөрдү бурду. Орусиянын президенти Владимир Путиндин, өзгөчө Кытай жана Индия сыяктуу глобалдык актерлордун лидерлеринин тынчтык процессине салым кошуу ниетин кубаттаганын белгилеген Песков : «Ар бир өлкө өзүнүн дипломатиялык таасирин колдонуп Киев башкаруучулугун ийкемдүү мамилеге үндөп, кагылышууну токтотууга үндөй алат»деди.

Дүйнөлүк энергетика рыногунун үзгүлтүккө учурашы жана экспорттук чектөөлөр

Орусия тарабынан мунай продуктуларынын экспортуна киргизилген чектөөлөргө токтолуп, Песков бул чечим толугу менен ички рынокто камсыздоо коопсуздугун жана толуктоону камсыз кылууга багытталганын белгиледи. Бул экспортко тыюу салуунун ички базардагы максаттар толугу менен ишке ашканга чейин күчүндө болоорун баса белгилеген Песков глобалдык энергетика базарларындагы туруксуздукка көңүлдөрдү бурду. Орус энергетика продукциясынын дүйнөлүк базардан чегиниши жана Перс булуңунда күчөгөн геосаясий чыңалуулардын глобалдык энергетика тең салмактуулугун тездик менен бузуп жатканын белгилеген Песков : «Дүйнөлүк базарлардагы бул олуттуу начарлоо дүйнө экономикалары үчүн абдан негиздүү жана терең тынчсыздануу булагы»деп эскертти.