Министр Болат: Америкалык фирмалардын Түркиядагы инвестициясын көбөйтүү үчүн иштеп жатабыз

Соода министри Өмер Болат президент Режеп Таййип Эрдогандын катышуусунда Нью-Йорк Түрк үйүндө түрк-америкалык иш дүйнөсүнүн өкүлдөрү менен жолугушуп, эки өлкөнүн ортосундагы экономикалык жана соода алакаларын өнүктүрүү мүмкүнчүлүктөрүн талкуулады.

Жыйналышты виртуалдык медиа эсебинен бөлүшкөн министр Болат жолугушууда Түркиянын күчтүү инвестиция потенциалы менен бизнес жана инвестиция чөйрөсүн ар тараптуу баалагандарын айтты. Президент Эрдогандын жолугушууларына токтолгон Болат: «Урматтуу президентибиз Түркия сунуштаган инвестиция мүмкүнчүлүктөрүн жана глобалдык нарк чынжырындагы күчтүү ордун АКШнын иш дүйнөсүнүн алдыңкы өкүлдөрү менен бөлүшүп, өз ара инвестициялардын көбөйүшү жана соода көлөмүбүздүн жакшыруусу боюнча баа берүүлөрдү жасады»,-деди.

Кызматташтыктын бекемделе турганын баса белгилеген министр Болат, өз билдирүүсүндө: «Президентибиз Режеп Тайып Эрдогандын жетекчилигинде АКШ фирмаларынын өлкөбүзгө болгон кызыгуусун жана инвестициясын арттыруу, болгон кызматташтыктарды дагы да бекемдөө жана жаңы өнөктөштүккө жол ачуу үчүн ишибизди чечкиндүүлүк менен улантып жатабыз»,-деди.