Россиянын Түркияга жаңы элчиси Сергей Верщинин болду

Россиянын президенти Владимир Путин жаңы жарлык менен Сергей Верщининди Россиянын Анкарадагы элчиси кылып дайындады. Бул чечим Россиянын Мамлекеттик Мыйзам Маалымат Системасында жарыяланган расмий билдирүү менен коомчулукка маалымдалды.

Верщининдин Анкарадагы элчи болуп дайындалышы менен, Россиянын Каирдеги элчиси Георгий Борисенко да Тышкы иштер министринин орун басары кызматына дайындалды.

Өткөн жылы Путин тарабынан кол коюлган башка бир жарлык менен Россиянын мурдагы Анкарадагы элчиси Алексей Ерхов Ташкенттеги элчи болуп дайындалган эле.

SERGEY VERЩИНИН КИМ?

1954-жылы туулган Сергей Верщинин, 1976-жылы Москва Мамлекеттик Дипломатия Институтунан бүтүргөн. 1991-жылы болсо Россиянын Тышкы иштер министрлигине караштуу Дипломатия Академиясынан бүтүргөн.

Верщинин, карьерасында Марокко, Алжир жана Тунис сыяктуу өлкөлөрдө ар кандай дипломатиялык кызматтарда иштеген. 1999-2003-жылдары Алжирдеги элчилик кызматын аткарган.

2004-жылдан баштап Тышкы иштер министрлигинде ар кандай кызматтарда иштеген Верщинин, 2018-жылдан бери Тышкы иштер министринин орун басары кызматын аткарып келген.