Санкциялар тизмесиндеги Узурперлер Ассоциациясына Израилден миллион долларлык колдоо

Израил өкмөтү оккупацияланган Палестина аймактарындагы мыйзамсыз иш-аракеттеринен улам эл аралык коомчулук тарабынан бутага алынган радикал топторду түздөн-түз каржылай турганы документтештирилген. Израилдин Улуттук коопсуздук министрлиги алты өлкөнүн санкция тизмесинде болгон жана Палестинанын жерин басып алуусу менен байланышы бар израилдик уюмга 4 миллион шекел (болжол менен 1,3 миллион доллар) каржылык колдоо көрсөтүүнү чечти.

Асоциациянын расмий демөөрчүлүгү алты өлкөдө кара тизмеге кирген

Haaretz гезити тарабынан алынган расмий документтерге караганда, ашынган оңчул саясаттары менен таанылган министрлик, басып алган Батыш Шериада активдүү болгон «Ахават Гилад» менен орток долбоорду ишке ашыруу үчүн расмий келишимге кол койду. Мамлекеттик бюджеттен которула турган 1,3 миллион доллар өлчөмүндөгү бул грант 18 айлык мөөнөттү камтыйт жана түздөн-түз мыйзамсыз конуштардагы жаштар үчүн “насаатчы тармагын” түзүүгө багытталган.

Франция, Англия, Канада, Норвегия, Австралия жана Жаңы Зеландия өткөн айда "Ахават Гилад" уюмун палестиналык жарандарга каршы уюшкан зомбулук аракеттери менен түздөн-түз байланышы бар деген жүйө менен санкция тизмесине киргизген. Британ өкмөтү тарабынан жасалган расмий билдирүүдө сөз болгон бирикменин Палестина жерлерин басып алган башка радикал түзүмдөр менен жеке адамдарга акча которуу үчүн «фронт» ролун аткарганы баса белгиленди.

Министрлик эл аралык санкцияларды этибарга алган жок

Израилдин Улуттук коопсуздук министрлигинин курамындагыУлуттук коомчулуктун коопсуздук агенттиги тарабынан ишке ашырыла турган бул өнөктөштүк эл аралык укуктун жана шериктеш өлкөлөрдүн чечимдеринин так этибарга алынбагандыгын дагы бир жолу көрсөттү. Маселени жактаган министрликтин өкүлдөрү Ахават Гилад бирикмесинин «жаштарды позитивдүү иштерге багыттоо, зордук-зомбулукка бөгөт коюу жана армияга катышууга үндөүү» жагынан талаада өзүн далилдеген түзүм экенин айтышты.

Эл аралык санкциялардын аларга эч кандай мажбурлоочу таасири жок экенин талашып, министрликтин билдирүүсүндө: "Биздин министрлик Израил мамлекетинин жана анын жарандарынын кызыкчылыктарына гана лоялдуу. Буга байланыштуу эл аралык уюмдардын же Израилге каршы күн тартиби бар чет мамлекеттердин буйруктарын таптакыр кабыл албайбыз."

Иордан дарыясынын батыш жээгинде зордук-зомбулук жана репрессия күч алууда

Иордан дарыясынын батыш жээгинде Израил мамлекетинин официалдуу коргоосу жана финансылык колдоосу астында узурпатор отурукташкандардын агрессиясы күн сайын коркунучтуу деңгээлге жетип жатат. Аймактагы жергиликтүү булактардын кабарлашынча, куралдуу отурукташуучулардын топтору бир гана палестиналык жарандарды эмес, эл аралык басма сөз өкүлдөрүн жана дипломатиялык делегацияларды да системалуу түрдө бутага алышат.

Расмий маалыматтарга караганда, акыркы жумада эле Палестинанын жерлерин басып алган израилдиктер Батыш Шериада палестиналык кыштактарга каршы кеминде 20 ирет кол салуу жана рейддерди уюштурган. Мамлекет тарабынан каржыланган зордук-зомбулуктун бул спиралы аймактагы гуманитардык кризисти тереңдетип, эки мамлекеттүү чечимге болгон үмүттөрдү толугу менен жокко чыгарат.