Сириядан Түркияга карата критикалык билдирүү: кайра куруудагы негизги өнөктөш

Сириянын тышкы иштер министри Асад Хасан Шайбани расмий жолугушууларды өткөрүү үчүн барган Пакистанда аймактык дипломатияга багыт бере турган сын билдирүүлөрдү жасады. Пакистандын жергиликтүү басма сөзүнө маалымат берген Шейбани Түркия менен карым-катнаштар, аймактык шериктештиктер жана коңшу өлкөлөр менен болгон процесстер тууралуу маанилүү билдирүүлөрдү берип, Сириянын жаңы доордогу тышкы саясат көз карашын да айтты.

Түркия Сирияны кайра курууда негизги ролду ойнойт

Түркия, Сауд Арабия жана Пакистандын ортосунда кол коюлган Мекке биргелешкен коргонуу келишими тууралуу суроолорго жооп берген Сириянын тышкы иштер министри Шайбани, Дамаск башкаруучулугунун бул темадагы баа берүүлөрүн улантып жатканын айтты. Альянска кошулуу боюнча акыркы чечимге келе электерин белгилеген Шейбани, чечимдин алдыда белгилүү боло турганын айтты. Министр Шейбани Түркия менен болгон карым-катнаштарга өзүнчө белгилөө менен Анкараны «Сирияны кайра курууда негизги өнөктөш» деп мүнөздөдү. 1000 километрден ашык орток чек арага жана эки өлкөнүн ортосундагы тамыры терең тарыхый байланыштарга көңүл бурган Шейбани, келечек үчүн кызматташтыктын белгисин берди.

Дамасктын Иран жана Израил менен мамилелерине байланыштуу артыкчылыктары

Тышкы иштер министри Шайбани Иран менен карым-катнаштарга байланыштуу дооматтарды ачык айтты. Ал Тегеран администрациясы эң оболу Сирия элине карата мурдагы мамилесин жана аракеттерин кабыл алышы керектигин баса белгиледи. Пакистандын АКШ менен Ирандын ортосундагы дипломатиялык процесстеги конструктивдүү ролун жогору баалаган Шайбани, Исламабад башкаруучулугунун азырынча Дамаск менен Тегеран ортосунда эч кандай арачылык аракети болбогонун белгиледи. Бир тараптан Израил менен боло турган стратегиялык келишимди талкуулоонун али эрте экенин белгилеген Шайбани Сириянын негизги максатынын Израилдин кол салууларын толугу менен токтотуу экенин белгиледи. Шайбани : «Сирия эгемен мамлекет»деп тышкы күчтөрдүн Дамасктын союздаштык жана өнөктөштүк тандоолоруна кийлигише албастыгын баса белгиледи.

Пакистан менен дипломатиялык мамилелер элчилик деңгээлине көтөрүлүүдө

Пакистанга жасаган расмий сапарын абдан жемиштүү жана ийгиликтүү деп мүнөздөгөн Шейбани, эки өлкөнүн ортосундагы экономикалык жана дипломатиялык карым-катнаштардын күчтөнөрүн билдирди. Бул алкакта Сириянын Пакистандагы дипломатиялык өкүлчүлүгүнүн деңгээлин «элчи» деңгээлине көтөрүүнү чечкенин жарыялады. Жолугушуулардын жүрүшүндө министрликтер аралык биргелешкен комиссиянын ишин кайра жандандыруу, түз авиакаттамдарды үзгүлтүксүз улантуу, биргелешкен ишкерлер кеңешин түзүү жана жаңы инвестициялык форум уюштуруу сыяктуу орчундуу маселелер боюнча макулдашууга жетишилди. Аймактык окуяларга да токтолгон Шайбани Пакистан менен Ооганстандын ортосундагы чыңалууга байланыштуу эки тарапты тең диалогго чакырып, Ооганстандан коңшу өлкөлөргө, өзгөчө Пакистанга карата террордук коркунучтарга жол берилбеши керектигин айтты.