Трамптын Иранга чечкиндүү билдирүүсү: "Чыгым оор болот, эл согушка каршы эмес"

АКШ менен Ирандын ортосундагы аскердик жана саясий тирешүү күчөгөндө, АКШнын президенти Дональд Трамп эл аралык коомчулукта кеңири таасир эте турган өтө катаал билдирүүлөрдү жасады. Трамп Иран менен кагылышууларда каза болгон америкалык аскерлерди акыркы сапарга узатуу зыйнатына катышуу үчүн Делавэрдеги Довер аба күчтөрүнүн базасына жөнөөр алдында Air Force One учагынын алдында журналисттердин суроолоруна жооп берди.

"Президент катары мен үчүн эң кыйын нерсе"

Аземдин өзүнө алып келген руханий салмагын белгилеген Трамп, Доверге каза болгон жоокерлерди урматтоо үчүн барганын айтты. Эмоционалдуу көз ирмемдерди өткөргөнүн белгилеген АКШ президенти: "Президент катары бул мен үчүн эң кыйын иштердин бири. Бирок бул милдетти аткаруу биздин баатырларыбызга болгон карызыбыз",-деди.

"Иран бул үчүн чоң бааны төлөйт"

Темран башкаруучулугуна аскердик жана экономикалык кысымдардын улана турганын ишара кылган Трамп, жаңжалдардын масштабы тууралуу да таң калыштуу ырастоолорду айтты. Трамп Вашингтондун аскердик артыкчылыгын жана чечкиндүүлүгүн баса белгилеп : "Иран бул үчүн өтө оор бааны төлөйт. Алар учурда абдан чоң жоготууларга учурап жатышат. Алар сөздүн түз маанисинде жок болуу процессинде"деди.

"Америка эли согушка каршы эмес"

Баспасөз өкүлдөрүнүн америкалык коомчулуктун Иран менен ыктымал согушту жактырбаганы тууралуу суроосуна жооп берип жатып, Трамп бул дооматка чечкиндүү түрдө каршы чыкты. Жаңы жарыяланган сурамжылоого шилтеме жасап, АКШ президенти: "Америкалыктар согушка каршы эмес. Акыркы жарыяланган сурамжылоо муну ачык көрсөттү. Биздин эл күйүүчү майдын кымбаттыгына гана нааразы болбостон, улуттук коопсуздукка келгенде согушка да каршы эмес. Ирандын өзөктүк куралга ээ болушун эч ким каалабайт", - деди.