Трамптын Сирия боюнча тарыхый чечими: Террордук тизмеден чыгарылууда!

Америка Кошмо Штаттарынын президентиДональд Трамп менен Сириянын президенти Ахмед Шаратын тарыхый биргелешкен маалымат жыйыны дүйнөлүк басма сөз тарабынан жакындан байкалды. Жолугушууда глобалдык тең салмактуулуктарды өзгөртө турган билдирүүлөрдү жасаган Трамп, Сириянын келечеги жана аймактагы жаңы дипломатиялык доор тууралуу абдан таң калыштуу билдирүүлөрдү берди.

Сирия үчүн жаңы доор: Терроризм тизмесинен чыгарылууда

АКШнын президенти Дональд Трамп Сириянын президенти Ахмед Шара менен жолугушуусунан кийин жасаган билдирүүсүндө Сириянын жакын арада террористтердин тизмесинен чыгарыларын жар салды. Шара жетектеген жаңы башкарууну мактаган Трамп: "Сирия террористтердин тизмесинен чыгарылат. Шараны баары абдан сыйлашат. Сирия эми бир топ ырааттуу өлкөгө айланды",-деди. Аймактагы коопсуздук саясаттарына да токтолгон Трамп президенттигинин маанисине басым жасап: «Эгерде мен президент болбосом, бүгүн Израиль деген өлкө болмок эмес»деди.

Глобалдык энергетикалык баланстар жана өзөктүк курал коркунучу

Эл аралык коопсуздук жана энергетика базарларына критикалык баа берүү менен Трамп Ирандын өзөктүк программасына кызыл сызык тартты. Ирандын өзөктүк куралга ээ болушу мүмкүн эместигин белгилеген АКШ президенти, тоолордун тереңинде табылган ядролук материалдар АКШнын атайын технологиялары жана машиналары менен гана чыгарыла турганын айтты. АКШнын энергетика тармагындагы үстөмдүгүнө да көңүлдөрдү бурган Трамп мунай баасынын дагы да жогорулашын күтпөгөнүн айтты. АКШнын убагында эбегейсиз чоң мунай өндүрүшүнө жеткенин белгилеген Трамп : «Сауд Арабия менен Орусия бириккенден да, дээрлик эки эсе көп мунай өндүрөбүз. Нефть баасы түшкөндө бүт нерсенин баасы бир тизмек менен төмөндөйт»деди.

Европа Биримдиги жана Израиль-Ливан ок атышпоо келишими

Европа Биримдиги менен соода жана саясий карым-катнаштар тууралуу сөз кылган Трамп, ЕБ өлкөлөрүнүн буга чейин АКШдан адилетсиз пайда көргөнүн айтты. Трамп : «ЕБ менен эмне болоорун алдыдагы мезгилде көрөбүз. Бизге жаман мамиле кылышты жана бизден пайдаланышты. Биз ЕБ өлкөлөрүнө абдан жакынбыз, бирок алар АКШ аркылуу жылдар бою адилетсиз киреше табышты»,- деди. Экономикалык ийгилигине токтолгон Трамп, 3 триллион долларлык тарыхый рекорд менен дүйнө көрбөгөн эң чоң экономиканы курганын айтты.

Жакынкы Чыгыштагы кызуу кагылышуулар тууралуу сөз кылып жатып, Трамп Израилдин премьер-министри Биньямин Нетаньяху (Биби) менен жолукканын жана Израил Ливанга каршы чабуулдарын токтотот деп ишенерин жарыялады. Трамп израилдик аскерлердин жакынкы келечекте Ливандын түштүгүнөн толугу менен чыгып кетээрин болжолдоп жатканын айтты.