Түркия Улуу Улуттук Жыйынынын спикери Куртулмуш: Израилдин баскынчылыгына каршы аймактык өлкөлөрдүн кызматташтыгы сөзсүз түрдө

Түркия Улуу Улуттук Жыйынынын Төрагасы Куртулмуш, Сауд Арабия Королдугунун 96-Улуттук майрамы үчүн Анкарада бир мейманканада уюштурулган кабыл алууга катышып, Түркия менен Сауд Арабиянын бир тууган өлкөлөр экенин баса белгиледи. Куртулмуш дүйнөдө чоң кагылышуулар болуп жаткан бул мезгилде аймактагы чыңалууну жоюу үчүн аймактагы өлкөлөрдүн бир топ жакын кызматташтык жана достук карым-катнашын түзүшүнүн шарт экенин белгиледи.

Куртулмуш: Израилдин агрессиясына каршы биргелешип аракет кылышыбыз керек

Аймактагы ыраатсыздыктын эң чоң булагынын Израилдин агрессивдүү саясаттары экенин баса белгилеген Куртулмуш : «Израиль аймактагы көптөгөн өлкөгө түздөн-түз кол салды жана Палестина калкына жаңы түшүнүк менен бир гана Газада эмес, Батыш Шериада да жашай албай калышын каалайт. Израилдин бул агрессиясы АКШ менен Израилдин Иранга каршы баштаган согушу менен Перс булуңу жана «Тилекке каршы Ормуз кысыгы өтө кооптуу аймакка айланды. Бул жердеги окуялар бир гана коопсуздукка эмес, аймактагы өлкөлөрдөн тышкары бүткүл дүйнөнүн экономикасына да чоң таасирин тийгизүүдө»,-деди.

Мекке биргелешкен коргонуу келишими кеңейиши мүмкүн

Түркия, Пакистан жана Сауд Аравиянын ортосунда кол коюлган Мекке биргелешкен коргонуу келишимине баа берген Куртулмуш сөзүн мындайча улантты: «Бул келишим бекем негиздер менен өнүгүп, аймагыбыздагы башка өлкөлөрдүн, ал тургай, кеңири Ислам географиясындагы өлкөлөрдүн да катышуусу менен абдан эффективдүү жана пайдалуу коргонуу келишимине айланат деп үмүттөнөм. Биз биздин аймакта жана дүйнөдө тынчтык жана стабилдүүлүк болушун каалайбыз. Бир дагы өлкөнүн башка өлкөнүн эгемендигине кол салуусуна биз эч качан макул эмеспиз. Ошондуктан биз аймактагы тынчтыкты жана стабилдүүлүктү камсыз кыла турган бардык аракеттерди колдойбуз.” “Биз буга жетишүү үчүн бардык күчүбүздү жумшап жатабыз. Бул контекстте аймакта тынчтык жана ырааттуулуктун ачкычы Палестина маселеси экенин абдан жакшы билебиз»,-деди.

Сауд Аравия Королдугунун Анкарадагы элчиси Фахад Бин Асад Абуалнаср Түркия менен Сауд Аравиянын ортосундагы карым-катнаштардын ылдам өнүгүп жатканын жана эки өлкөнүн аймактык ырааттуулукту колдоо жана тынчтык жолу менен чечүүчү жолдорду баса белгилөө боюнча орток чечкиндүүлүккө ээ экенин белгиледи. Бул орток мамиленин башында Палестина маселеси турганын айткан Элчи Абуальнаср Түркия, Сауд Арабия жана Пакистандын ортосунда кол коюлган Мекке биргелешкен коргонуу келишиминин тынчтыкты сактоо жана мамлекеттердин эгемендигин урматтоо принцибине таянганын, бул биримдиктин аймактын коопсуздугу жана ырааттуулугуна кызмат кылганын белгиледи.