Түркия менен Казакстандын ортосунда стратегиялык келишимдерге кол коюлду

Түркиянын президенти Режеп Тайып Эрдоган менен Казакстандын президенти Касым Комерт Токаевдын ортосунда Казакстандын борбор шаары Астанада кол коюлган бир катар келишимдер эки өлкөнүн кызматташтыгын бекемдеди. Астанадагы Эгемендүүлүк сарайында расмий азем менен башталган саммитте эки лидер стратегиялык темаларга токтолуп, өлкөлөр ортосундагы карым – катнаштарды дагы да тереңдетүү үчүн маанилүү кадамдарды ташташты. Кызматташтык кеңешинин жыйыны. Бул жолугушууда эки өлкөнүн түрдүү тармактардагы кызматташтыгынын стратегиялары аныкталып, келечектеги биргелешкен долбоорлор боюнча пикир алмашылды. Жолугушуудан кийин басма сөз өкүлдөрүнө жасалган билдирүүлөр эки өлкөнүн ортосундагы соода жана дипломатиялык карым – катнаштардын артышынын маанисине көңүл бурулду.

Он эки келишим жана бир биргелешкен декларация

Жолугушуудан кийин өткөрүлгөн кол коюу аземинде эки өлкөнүн ортосунда 12 келишим жана 1 биргелешкен декларацияга кол коюлду. Бул документтердин арасында «Түркия Республикасы менен Казакстан Республикасынын ортосундагы түбөлүк достук жана өнөктөштүк декларациясы» өзгөчөлөнүп турат. Макулдашуулар өнөр жай жана технология, маданий алмашуу, билим берүү жана башка көптөгөн тармактарда кызматташууну камтыйт. Өзгөчө Инвестицияларды колдоо жана коргоо келишими эки өлкөнүн ортосундагы экономикалык карым-катнаштарды күчтөндүрүү үчүн чоң мааниге ээ.

Маданият жана билим берүү тармагындагы кызматташтык

Түркия менен Казакстандын ортосунда кол коюлган келишимдер билим берүү жана маданий байланыштарды дагы бекемдөөнү максат кылууда. Эки өлкөнүн маданият министрликтеринин ортосунда маданий борборлорду түзүү жана иштетүү боюнча макулдашууларга жетишилди. Мындан тышкары, биргелешкен стипендиялык программалар жана Түркиянын Маариф Фондунун Казакстанда мектептерин ачуу боюнча ниет келишимдерине кол коюлду.

Экономикалык кызматташтык жана инвестиция

Кол коюлган документтердин арасында экономикалык өсүштү колдоо жана биргелешкен инвестицияларды стимулдаштыруу боюнча көптөгөн маанилүү беренелер орун алды. TAV Холдинг мененАлматы Эл аралык аэропорту үчүн кол коюлган инвестициялык келишим жана оорукана курулуштарын каржылоо боюнча кызматташуу эки өлкөнүн экономикалык өнүгүүсүнө салым кошууну максат кылууда.

Энергетика жана Коргоо тармагындагы макулдашуулар

Энергетика тармагында да маанилүү кадамдар ташталды. КазМунайГаз менен Түрк Петролеумдун ортосунда мунай жана газ долбоорлорун биргелешип өнүктүрүү боюнча өз ара түшүнүшүү меморандуму энергетика тармагындагы кызматташтыкты тереңдетет. Мындан тышкары, АНКА учкучсуз учуучу аппараттарын өндүрүү жана тейлөө боюнча биргелешкен ишкананын түзүлүшү коргонуу өнөр жайындагы кызматташтыкка жаңы бир өлчөм кошот.

Баалоо жана келечектеги өнүгүүлөр

Түркия менен Казакстандын ортосунда кол коюлган келишимдер эки өлкөнүн стратегиялык өнөктөштүгүн бекемдеп, аймактык кызматташтыктын жолун да бекемдейт. Кол коюлган документтер экономика, маданият жана энергетика тармагында олуттуу жетишкендиктерди камсыз кылуу менен бирге, келечектеги мүмкүн болуучу долбоорлор үчүн бекем негиз түзөт. Бул кадамдар эки өлкөнүн ортосундагы достук жана өнөктөштүк мындан ары да тереңдей береринин көрсөткүчү катары каралууда.