Тынчтык сүйлөшүүлөрү боюнча Кремлдин билдирүүсү: "Биз сүйлөшүүлөргө ачыкпыз"

Кремлден Орусия менен Украинанын ортосунда уланып жаткан кризисти дипломатиялык чечүү жолдоруна байланыштуу критикалык билдирүүлөр келди. Кремлдин басма сөз катчысы Дмитрий Песков борбор шаар Москвада басма сөз өкүлдөрүнүн суроолоруна жооп берип жатып, Москва башкаруусунун тынчтык сүйлөшүүлөрүнө ар дайым ачык экенин баса белгилеп, эл аралык күн тартибин ээлеген айыптоолорду жана дипломатиялык байланыштарды ачыктады.

АКШ менен байланыштар уланууда, сентябрдагы дооматтар белгисиз

Украина Президенттик Аппаратынын жетекчиси Кирило Будановдун «Орусия менен Украина делегациялары сентябрда жолугушушу мүмкүн» деген сөздөрүнө баа берген Песков бул темада конкреттүү маалыматы жок экенин айтты. Бирок Вашингтон менен диалог каналдарынын толук жабыла электигине көңүл бурган Песков : «Украина маселеси боюнча америкалыктар менен байланыштарыбыз иш деңгээлинде уланууда. Орусия катары тынчтык сүйлөшүүлөрүнө ачык экенибизди ар мүмкүнчүлүктө билдиребиз»,-деди.

"НАТО өлкөлөрүнө кол салуулар тууралуу айыптоолор чындыкты чагылдырбайт"

Песков Батыш медиасында Орусиянын келечекте НАТОго мүчө бир өлкөгө каршы чектелген аскердик операция уюштурушу мүмкүн деген сөздөрүнө катуу реакция кылып, бул сценарийлердин негизсиз экенин айтты. Басма сөз катчысы Песков : "Мындай дооматтардын реалдуулукка же Орусиянын ниетине эч кандай тиешеси жок. Орусия Украинадагы максатына тынчтык жолу менен жетүүнү ар дайым артык көргөн. Бирок азыркы шарттарда бул мүмкүн эмес деп эсептелгендиктен, "атайын аскердик операция" чечкиндүүлүк менен уланууда",-деди. Операциянын негизги максатынын Орусиянын коопсуздугун камсыз кылуу жана улуттук кызыкчылыктарын коргоо экенин кайталаган Песков, Европа өлкөлөрүнүн Орусияга каршы агрессивдүү саясат жүргүзүп жатканын баса белгиледи.

Тоңдурулган активдер жана Ватикан менен байланыш маселеси

Европа Биримдиги жана Батыш өлкөлөрүнүн тоңдурулган орус активдеринен түшкөн кирешелерди Украинага аскердик жана финансылык колдоо көрсөтүү үчүн колдонуу аракетине токтолгон Песков, бул кадамдардын толугу менен мыйзамсыз экенин айтты. Орусиянын мындай кадамдарына сөзсүз жооп чараларды көрөрүн белгилеген Кремлдин басма сөз катчысы, менчик укуктарынын бузулушуна унчукпай тургандарын баса белгиледи. Бир тараптан Песков Кремлдин тышкы саясат боюнча кеңешчисиЮрий Ушаков менен Ватикандын мамлекеттер жана эл аралык уюмдар менен байланыштар боюнча катчысы архиепископПол Ричард Галлахер