Израилдин Коопсуздук кабинетинен Газа чечими: Эл аралык стабилдештирүү күчтөрүнө расмий уруксат

Израиль башкаруусу бүткүл дүйнөдө резонанс жараткан Газанын келечегине карай олуттуу кадам таштады. «Израиль Хайом» гезитинин маалыматына караганда, Израилдин коопсуздук кабинети көптөн бери эл аралык коомчулуктун күн тартибинде болгон Газа тилкесине Эл аралык стабилдештирүү күчтөрүнүн киришин караган мыйзам долбоорун расмий түрдө добуш берип, бекитти.

Кабинеттеги пикирлердин айырмасы: Бен-Гвир чечимге каршы чыкты

Бул тарыхый чечим Израил өкмөтүнүн ичиндеги терең пикир келишпестиктерди дагы бир жолу ачыкка чыгарды. Коопсуздук кабинетинде өткөрүлгөн добуш берүүдө ашкере оңчул көз караштары менен таанылган Улуттук коопсуздук министриИтамар Бен-Гвиркаршы добуш берди. Yedioth Ahronoth гезитинин маалыматына караганда, Бен-Гвир добуш берүү учурундагы билдирүүсүндө : "Хамас Газаны куралсыздандыруу милдетин аткарган жок. Ошондуктан бул күчтүн киришине макулдук берүүгө милдеттүү эмеспиз. Газадагы чыныгы чечим бул аймактын элин миграцияга үндөш."

Тышкы иштер министриГидеон СаарБен-Гвирдин катаал билдирүүсүнө катуу жооп кайтарды. Саар долбоордун глобалдык консенсустун продуктусу экенин белгилеп: «Бул эл аралык деңгээлде даярдалган план, ийгиликке жетпей калышыбыз мүмкүн болсо дагы, жок дегенде бул процессти саботаж кылган тарап болбошубуз керек»,-деп чечимдин колдоого алынышы керектигин баса белгиледи. Бир тараптан Израилдин мамлекеттик телеканалы коопсуздук кабинетинин бул жактырылышы эл аралык аскер күчтөрүнүн Газанын түштүк чек арасында жайгашкан стратегиялык Рафах шаарына жакын жерде аскердик штаб куруусу үчүн түз жашыл жарык дегенди билдирет.

Трамптын көп фазалуу Газа планы

16-январда Ак үй тарабынан бекитиле турган Газадагы өткөөл башкаруу структурасы аймактын келечегин кайра түзүүнү максат кылууда. Бул контекстте ишке ашырылышы пландалган башкаруу механизмдеринин арасында Тынчтык Кеңеши, "Газанын Аткаруу Кеңеши", технократтардан турган "Газаны башкаруу Улуттук комитети" жана талаада коопсуздукту камсыздай турган Эл аралык стабилдештирүү күчтөрү бар.

Тарыхый өбөлгөлөр жана Газадагы чоң кыйроо

Газанын административдик келечегин аныктай турган «Тынчтык кеңешинин» биринчи расмий жыйыны 19-февралда Вашингтондогу Тынчтык институтунда АКШнын президенти Дональд Трамптын жетекчилигинде өткөрүлдү. Бул кадам Трамптын аймактагы аскердик аракеттерди биротоло токтотууну көздөгөн 20 пункттан турган тынчтык планынын экинчи этабынын алкагында жасалды. Сөз болуп жаткан план Бириккен Улуттар Уюмунун Коопсуздук Кеңешинин 2025-жылдын 17-ноябрындагы жана 2803 номерлүү чечими менен эл аралык деңгээлде колдоого алынган.

Бул кеңири масштабдуу эл аралык план 2023-жылдын октябрында Израилдин АКШнын колдоосу менен баштаган жана аймакта чоң гуманитардык кыйроолорго алып келген кол салууларынан кийин ишке ашырылган. Эки жылга жакын созулган катуу бомбалоолордун натыйжасында Газада 70 миңден ашуун киши каза болуп, 170 миңден ашуун киши жараланды, жарандык инфраструктуранын 90 пайызы толугу менен талкаланды. Бириккен Улуттар Уюмунун (БУУ) маалыматына ылайык, кыйраган Газа тилкесин калыбына келтирүү үчүн кеминде 70 миллиард долларлык чоң бюджет керек.