Орусия менен Германиянын ортосундагы дипломатиялык кризис: Гёте институту жабылууда

Орусия менен Германиянын ортосундагы дипломатиялык мамилелер Лейпциг-Галле аэропортунда учкучсуз учуучу аппараттын кризисинен кийин жаңы чекитке жетти. Орусиянын тышкы иштер министри Сергей Лавров Владивостокто өткөрүлгөн 11-Чыгыш экономикалык форумунун алкагында студенттерге кайрылып, Германиянын санкция чечимдерине жооп катары Гёте институтунун Орусиядагы филиалдарынын жабыла турганын билдирди. Лавров Батыш дүйнөсү Орусияны душман катары көрүп, өз шарттарын таңуулоого аракет кылып жатканын баса белгиледи.

Лавровдон Батышка катуу сын: "Биз өзүбүздү обочолонбойбуз"

Орусиянын тышкы иштер министри Сергей Лавров Владивостокто өткөн форумда сүйлөгөн сөзүндө Европанын Орусияга карата бөтөнчө мамилесин катуу сынга алды. Орусиянын дубал тургузбаганын белгилеген Лавров: "Биз Европадан обочолонууну каалабайбыз. Европа бизден алыстап кетти. Европа чынчыл кызматташууга даяр эмес. Муну кантип кылаарын билбейт. Европа эч качан өз ресурстары жана өзүнүн акылы менен жашаган эмес. Ар дайым башкалардын эсебинен жашап келген"деди. Берлиндин мамилеси буткул Европанын коопсуздугуна олуттуу коркунуч келтирет деп. Батыштын дипломатиянын ордуна санкцияларды курал катары колдонгонун белгилеген министр, Киев башкаруусунун Орусиянын жарандык инфраструктураларына карата «террордук» кыймылынын Батыш өлкөлөрү тарабынан кубатталганын айтты.

UAV чыңалуусу жана өз ара санкциялар

Германия менен Орусиянын ортосундагы чыңалуунун чордонунда 4-августта Лейпциг-Галле аэропортунда болгон окуя турат. Аэропортто жардыргыч заты бар делген учкучсуз учак украиналык транспорттук учактын жанынан табылган. АКШнын чалгын кызматтары сөз болуп жаткан жардыргыч зат Орусиянын аскердик чалгындоосуна мүнөздүү өзгөчөлүктөргө ээ деп ырасташкан. Бул окуялардан кийин Берлин администрациясы түздөн-түз Орусияны күнөөлөп, Орусиянын Бонндогу башкы консулдугун 18-сентябрдан тарта жабуу чечимин чыгарды жана Берлиндеги орус үйү маданий борборунун келишимин токтотту.

Сергей Лавров Германиянын бул кадамдарына катуу жооп кайтарып, Берлиндин учкучсуз учуучу учактын дооматтарына байланыштуу эч кандай конкреттүү далил келтирбегенин айтты. Өз ара мамиленин негизинде жооп бере тургандарын түшүндүргөн Лавров : «Гёте институтунун Москва, Санкт-Петербург жана Екатеринбургда филиалдары бар. Ал жактагы маданий борбор (Орус үйү) жабылгандан кийин албетте бул бөлүмдөр да жабылат»деди.

Эл аралык коомдук пикирдин өз ара реакциялары

Германиянын тышкы иштер министри Иоганн Вадефул Орусиянын Гёте институтунун филиалдарын жабуу чечимине чоң өкүнүчүн билдирди. Институттун эки өлкөнүн калкынын ортосунда маанилүү маданий көпүрө кызматын аткарганын белгилеген Вадефул : "Муну улантууга даяр болчубуз. Муну улантуу туура болот деп ойлойм, анткени Орусия менен Германияда элдин ортосунда ар дайым негизи жакшы жана достук карым-катнаштар болгон. Чыныгы көйгөй Орусиядагы азыркы башкарууда"деди. Кризистин кесепеттери бүткүл Европага жайылып баратканда, Франциянын тышкы иштер министри Жан-Ноэль Барро Германияга же Польшага жасалган ар кандай чабуул Европа Биримдигине (ЕБ) түздөн-түз чабуул катары караларын баса белгиледи. Лейпциг-Галле аэропортундагы учкучсуз учак окуясынан кийин Улуу Британия Орусиянын Лондондогу элчилигинин убактылуу ишенимдүү өкүлүн Тышкы иштер министрлигине чакырып, дипломатиялык каналдар аркылуу бул маселеге реакциясын билдирди.