Түндүк Кипр Түрк Республикасынын (ТКТР) Кирения жээгинде чөгүп кеткен Фило Жет жүргүнчү ташыган кемеде жоголгондорду издөө иштеринин алкагында бүгүн дагы бир адамдын жансыз денеси табылды. Түндүк Кипр Түрк Республикасынын Премьер-министрлиги акыркы табылга менен кырсыкта каза болгондордун саны 18ге жеткенин, дайынсыз жоголгон 10 кишини издөө-куткаруу иштеринин уланып жатканын жарыялады.
Идентификациялык изилдөөлөр башталды
Бүгүн издөө топтору тарабынан деңизден табылган дененин өздүгүн аныктоо үчүн ДНК изилдөөлөрү башталды.
Ал эми дем алыш күндөрү табылган эки сөөктүн ДНК экспертизалары аяктады. Сыноолордун натыйжасында каза болгон бул адамдардын 5 жаштагыМехмет Асаф Бичер менен Нихат Панчар экени аныкталды.
Өмүрдү жоготуу 18ге көбөйдү
Түндүк Кипр Түрк Республикасынын Премьер-министрлиги тарабынан жасалган билдирүүдө, каза болгондорго Аллах ырайым кылып, көңүл айтып, үй-бүлөлөрүнө сабырдуулук тиленди. Акыркы сөөктүн табылышы менен окуяда каза болгондордун саны 18ге жетти.
ТКТРдеги Кирения порту менен Мерсиндеги Ташучу портунун ортосунда иштеген Filo Jet аттуу жогорку ылдамдыктагы жүргүнчү ташуучу кеме 30-август жекшемби күнү түшкө маал Кирениядан чыккандан көп өтпөй алдыңкы бөлүгүнөн суу ала баштаган жана Кирения портуна кайтууга аракет кылып жатып чөгүп кеткен.
Комментарийлер (0)
Комментарий жазуу
Азырынча пикир жазыла элек. Биринчи пикирди сиз жазыңыз!