Iroq Fransiyadagi banklarda bloklangan 13 million dollarlik davlat aktivlarini qaytarib oldi

Iroq, xorijdagi davlat aktivlarini o'lkaga qayta kiritish harakatlari doirasida, Frantsiyadagi banklarda sud qarorlari bilan bloklangan 13 million dollarlik davlat aktivlarini qaytarib olib, Moliya vazirligi hisoblariga o'tkazdi.

Iroq To'lovlarni qaytarish jamg'armasi boshqaruv kengashi raisi Muhammad Ali Lami o'z bayonotida Frantsiyadagi banklarda bloklangan mablag'lar xalqaro va mahalliy tegishli muassasalar bilan muvofiqlashtirish va hamkorlikda amalga oshirilgan kuzatuv va operatsiyalar natijasida qaytarib olinganligini bildirdi. Lami, undirilgan pul mablag‘lari zarur operatsiyalar bajarilgandan va Shveytsariya Arab Banki bilan muvofiqlashtirish ta’minlanganidan so‘ng Moliya vazirligi hisob raqamlariga kiritilganini ma’lum qildi.

Fransiyadan 13 million dollarning qaytarib olinishi Iroqning xorijdagi pul va boyliklarini kuzatib, ularni mamlakatga qaytarishga qaratilgan sa'y-harakatlarga yangi muvaffaqiyat qo'shganini ma'lum qilgan Lami, davlatning pul va boyliklarini qaytarib olish va umumiy xazinaga o'tkazish uchun tegishli muassasalar bilan ish va muvofiqlashtirish davom etishini ma'lum qildi.