Prezident Erdogʻan Nyu Yorkda Turk va Amerika musulmon jamiyati vakillari bilan uchrashdi

Prezident Rejep Tayyip Erdoʻgʻan, Birlashgan Millatlar Tashkilotining 81-Bosh Assambleyasi doirasida hozir boʻlgan Nyu Yorkda Turk va Amerika musulmon jamiyati vakillari bilan uchrashdi. Turk-Amerika Milliy Boshqaruv Qoʻmitasi (TASC), Xalqaro Demokratlar Ittifoqi (UID), MÜSİAD va AQSh Musulmon Tashkilotlari Kengashi (USCMO) hamkorligida tashkil etilgan "Turk va Qardosh Jamiyatlar Yigʻilishi" dasturida ishtirok etgan Erdoʻgʻan, AQShdagi turk va musulmon jamiyati bilan birdam ekanliklarini taʼkidladi.

Dasturda soʻzlagan nutqida ishtirokchilarga minnatdorchilik bildirgan Erdoʻgʻan, "Amerikaning turli shtatlaridan yigʻilishimizga qatnashgan har bir birodarlarimga chin qalbimdan minnatdorchilik bildiraman" dedi. Nyu-Yorkdagi bu uchrashuv chegaradan oshgan rishtalarni oʻrnatganini ifoda etgan Erdoʻgʻan, "Amerikada yashayotgan Turk va Amerika musulmon jamiyatlarini birlashtirgan ushbu dasturda pasport, chegara va geografiyadan tashqari birodarlik bor. Turkiya Prezidenti sifatida bu birodarlik ruhining bir qismi va aʼzosi boʻlganimdan juda mamnunman" dedi.

Prezident Erdoʻgʻan, bu birlikning tashkilot va jamiyat uchun qiymat yaratadigan doimiy kuchga aylantirilishi kerakligini taʼkidladi. AQSHdagi turk, qarindosh va musulmon jamoalari muhim inson resurslari, tajriba va ortib borayotgan institutsional salohiyatga erishganini tilga olgan Erdogʻan, Turkiya fuqarosi boʻlmasalar ham Turkiyani chin dildan sevadigan, adolatsizlikka qarshi turuvchi doʻstlarning mavjudligiga katta ahamiyat berishlarini bildirdi va Turkiyani toʻgʻri tushunishga hissa qoʻshgan barcha doʻstlariga minnatdorchilik bildirdi.