Ugʻur Shahin va Oʻzlem Tureji "Arife" nomli yangi farmatsevtika kompaniyasiga asos solishdi

BioNTech asoschilari Ugʻur Shahin va Oʻzlem Tureji bosh qarorgohi Germaniyaning Maynts shahrida joylashgan "Arife" nomli yangi farmatsevtika kompaniyasiga asos soldi. Farmatsevtika mahsulotlarini tadqiq qilish va ishlab chiqish, ishlab chiqarish va marketing faoliyatini amalga oshiradigan kompaniya haqidagi maʼlumotni Handelsblatt gazetasi bilan suhbatlashgan kompaniya vakili tasdiqladi.

Ugʻur Shahin va uning rafiqasi Oʻzlem Tureji oʻtgan mart oyida qilgan bayonotida, BioNTechdagi oʻz lavozimlarini tark etishlarini va eng kech 2026 yil oxirida yangi kompaniya qurishlarini eʼlon qilishdi. Ikki olim BioNTech aktsiyadorlari boʻlib qolishni rejalashtirmoqda, shu bilan birga oʻzlarining yangi tashkil etilgan Arife kompaniyasida mRNK asosidagi yangi avlod dori vositalarini ishlab chiqishga eʼtibor qaratishmoqchi.

Shahinning BioNTechdagi boshqaruv lavozimini Shvetsiya farmatsevtika kompaniyasi Swedish Orphan Biovitrum (Sobi) bosh direktori Guido Oelkers egallaydi. Oʻtgan avgust oyi boshida eʼlon qilingan ushbu oʻzgarishga koʻra, Oelkers BioNTech direktorlar kengashi raisi sifatida oʻz vazifalarini eng koʻp 2027-yil 1-fevralda boshlashi kutilmoqda.

Dunyo miqyosida tanilgan va Covid-19 pandemiyasi davrida amerikalik hamkori Pfizer bilan ishlab chiqqan vaktsina tufayli milliardlab yevro daromad keltirgan BioNTech kompaniyasi asosan onkologiya sohasida yangi mahsulotlarni ishlab chiqish ustida ishlamoqda.