ABŞ prezidenti Trampdan Ankaraya açıq mesaj: “Bu gecə İrana çox ağır zərbə vuracağıq”

ABŞ prezidenti Donald Tramp Türkiyənin ev sahibliyi etdiyi tarixi sammitdən sonra dünya gündəmini sarsıdacaq açıqlamalar verib. Ukrayna prezidenti Vladimir Zelenski ilə görüşən Tramp Ankarada keçirilən NATO-nun 36-cı Dövlət və Hökumət Başçıları Zirvə toplantısından sonra mətbuat mənsublarının suallarını cavablandırıb. Tramp Hörmüz boğazındakı gərginlik və İrana qarşı mümkün hərbi müdaxilələrlə bağlı çox sərt mesajlar verib.

Trampdan Prezident Ərdoğana və Ankara Zirvəsinə təriflər

ABŞ prezidenti Donald Tramp Ankarada keçirilən sammitin təşkilati uğuruna diqqət çəkərək, Türkiyənin ev sahibliyi etməsini yüksək qiymətləndirib. Hava limanından görüş sahəsinə qədər hər detalın mükəmməl planlandığını deyən Tramp prezident Rəcəb Tayyib Ərdoğanla bağlı da diqqəti çəkən açıqlamalar verib. Tramp "Ərdoğan güclü və yaxşı insandır. O, əla iş gördü. Hər şey mükəmməl keçdi və həqiqətən də məhsuldar bir görüş keçirdik"deyərək Türkiyənin diplomatik uğurunu vurğuladı.

"Bu gecə İrana çox ağır zərbə vuracağıq"

Yaxın Şərqdəki qızğın proseslərdən danışan Tramp xatırladıb ki, ABŞ İranın Hörmüz boğazında ticarət gəmilərini hədəf alan aqressiv hərəkətlərinə səssiz qalmayıb. Dünən gecə ABŞ ordusunun İrandakı strateji hədəflərə qarşı həyata keçirdiyi bombardmana toxunan Tramp açıq şəkildə hərbi əməliyyatların davam edəcəyinə işarə edib. Tramp "Dünən gecə onlara çox ağır zərbə vurduq. Yəqin ki, bu axşam İrana çox ağır zərbə vuracağıq"deyərək hərbi fəaliyyətin artacağını açıqlayıb.

"Biz heç vaxt İranın nüvə silahına malik olmasına icazə verməyəcəyik"

Nüvə proqramının Tehran administrasiyası ilə diplomatik proseslərin və danışıqların əsasını təşkil etdiyini deyən Tramp qırmızı xətlərini bir daha xatırladıb. ABŞ-ın bu məsələdə qətiyyətini vurğulayan prezident Tramp, “Vəziyyət çox sadədir, biz İranın nüvə silahına sahib olmasına qətiyyən icazə verə bilmərik”deyərək beynəlxalq ictimaiyyətə və Tehrana açıq xəbərdarlıq edib.