Bakının diplomatik müqaviməti İsraili geri addım atmağa məcbur etdi: 1915-ci il rəfdə təxribat

1915-ci il hadisələri ilə bağlı İsraildə keçiriləcək parlament seçkiləri öncəsi daxili siyasət materialı kimi istifadə edilməsi nəzərdə tutulan təxribat cəhdinin qarşısı Azərbaycanın qətiyyətli və sərt diplomatik mövqeyi ilə alınıb. İsrailin xarici işlər naziri Gideon Saarın rəhbərliyi ilə irəli sürülən qondarma “erməni soyqırımı” qanun layihəsi Bakının Təl-Əviv administrasiyasına açıq-aşkar xəbərdarlığından sonra faktiki olaraq dayandırılıb.

Bakıdan Təl-Əvivə sərt xəbərdarlıq: "Qırmızı xətti keçdi"

İsraildə yerləşən Ynet xəbər platformasının hökumət dairələrinə əsaslanaraq verdiyi məlumata görə, İsrail Nazirlər Kabineti bu addımı atmağa cəhd edəndə Azərbaycan diplomatik kanallar vasitəsilə çox sərt reaksiya verib. Bakı administrasiyası Təl-Əvivə “qırmızı xəttin” keçdiyini açıq şəkildə çatdırdı. Azərbaycan Xarici İşlər Nazirliyi siyasi maraqlar naminə tarixi faktların təhrif edilməsinin və məsələnin seçki materialına çevrilməsinin qətiyyən yolverilməz olduğunu vurğulayıb.

Diplomatik danışıqlar və strateji nizamlanma

Qanun layihəsi ictimaiyyətə sızandan sonra İsrailin xarici işlər naziri Gideon Saarın vəziyyəti xilas etmək üçün Azərbaycanın xarici işlər naziri Ceyhun Bayramovla əlaqə saxladığı bildirilib. Lakin əldə edilən məlumatlara görə, Bakı bu birtərəfli qaydada güzəştə getməyib. Azərbaycan tərəfi xəbərdarlıq edib ki, əsassız iddialar əsasında həyata keçirilən bu proses davam edərsə, iki ölkə arasında dərin strateji və iqtisadi tərəfdaşlıq bərpa olunmayacaq dərəcədə zədələnəcək.

İsrail mətbuatından hökumətə qarşı sərt tənqidlər

İsrailin nüfuzlu qəzetlərindən biri olan "Haaretz" adı açıqlanmayan yüksək vəzifəli diplomatik mənbələrə əsaslanan təhlilində hökumətin bu addımını sərt şəkildə tənqid edib. Qəzet sözügedən təşəbbüsün İsrailə heç bir strateji fayda vermədiyini və son dərəcə yanlış addım olduğunu yazıb.

Məsələni dəyərləndirən məşhur politoloq Yuri Boçarov məsələnin arxa planına aydınlıq gətirib. Boçarov, "Erməni iddialarını gündəmə gətirmək nə Ermənistanı dəstəkləmək, nə də birbaşa Azərbaycan münasibətləri ilə bağlı idi. Bu addım təxminən iki ay sonra keçiriləcək parlament seçkiləri öncəsi Türkiyənin anti-İsrail siyasətinə fərdi və siyasi reaksiya vermək üçün xarici işlər naziri Gideon Saarın səyi idi. Bu, tamamilə daxili siyasətə və səsverməyə yönəlmiş təbliğat addımı idi".