"Qalatasaray"ın Yeni Mövsümə Hazırlıq Düşərgəsi və Oyun Təqvimi Aydınlaşıb

Yeni mövsümün hazırlıqlarına sürəti azaltmadan başlayan "Qalatasaray" düşərgə proqramına və keçirəcəyi yoldaşlıq oyunlarının təqviminə aydınlıq gətirib. Sarı-qırmızılıların yeni mövsüm öncəsi ilk ciddi sınağını hansı komandanın, harada və nə vaxt keçirəcəyi bəlli olub. Azarkeşlərin səbirsizliklə gözlədiyi matçlar komandanın son durumunu görmək üçün böyük əhəmiyyət kəsb edir.

İlk İmtahan Ümraniye Şəhər Stadionundadır

Qalatasaray yeni mövsüm öncəsi ilk yoldaşlıq matçını Trendyol 1-ci Liqa komandalarından olan "Ümraniyespor"la keçirəcək. İki İstanbul təmsilçisini qarşı-qarşıya qoyacaq bu qarşılaşma 17 iyul cümə günü saat 21.00-da Ümraniye Şəhər Stadionunda oynanılacaq. Texniki heyətin futbolçuların fiziki hazırlığını müşahidə edəcəyi bu ilk qarşılaşma yeni mövsümün ilk məşqi olacaq.

Avstriya düşərgəsində iki İtalyan rəqibi

İstanbulda ilk məşqini başa vuracaq sarı-qırmızılılar ikinci mərhələ düşərgəsi hazırlığı üçün ölkə xaricinə yollanacaq. "Qalatasaray" 23-29 iyul tarixləri arasında Avstriyanın Windischgarsten şəhərindəki düşərgəyə girərək gücünü toplayacaq. Aslan Avstriya toplanışı çərçivəsində İtaliya A Seriyasının komandaları ilə iki yoldaşlıq oyunu keçirəcək. Qalatasaray ilk olaraq 24 iyul Cümə günüMonza ilə, iyulun 27-də isə İtaliyadan Venesiya ilə qarşılaşacaq.

İstanbulda İspan nəhəngi Villarreal ilə bağlanış

Avstriyadakı gərgin düşərgə dövründən sonra İstanbula qayıdan "Qalatasaray" yeni mövsüm öncəsi son böyük məşqini azarkeşləri önündə edəcək. Sarı-qırmızılı komanda avqustun 8-i şənbə günü xüsusi matçda evdə İspaniyanın ən güclü təmsilçilərindən olan “Vilyarreal”ı qəbul edəcək.Bu çətin matçla “Qalatasaray” mövsümöncəsi yoldaşlıq oyunları seriyasını başa vurmuş olacaq.