Индия менен Непалдагы сел жана жер көчкү: 70 адам каза болду
Индия жана Непалда нөшөрлөгөн жамгырдан улам болгон сел жана жер көчкүдө 70 киши каза болуп, дайынсыз жоголгондорду издөө иштери уланууда.
Индия менен Непалда нөшөрлөгөн жамгырдан кийин пайда болгон сел жана жер көчкүдөн Индияда 56, Непалда 14 адам каза болду. Бийлик кырсыктарда 11 адам дайынсыз жоголгонун жарыялады.
Индиядагы жоготуулардын өлкөнүн түндүгүндөгү Уттар-Прадеш штатында байкалганын белгилеген бийликтер өлкөнүн ар кайсы аймактарында 46 кишинин жараланганын жана миңден ашуун үйдүн зыянга учураганын билдирди. Штат боюнча мектептерде окуу токтотулганы менен, селден жабыркаган аймактарда калгандарды куткаруу аракеттери уланууда.
Непалдын Баглунг провинциясында үйдү жер астында калтырып, 4 киши, анын ичинде 3 бала каза болду. Өлкөдө жалпысынан 14 адам каза болуп, 10 непалдык жумушчу дайынсыз жоголгону жазылган. Непал расмийлери өлкөнүн 77 провинциясынын 49унда суу ташкындары болушу мүмкүн экенин эскертти.
Комментарийлер (0)
Комментарий жазуу
Азырынча пикир жазыла элек. Биринчи пикирди сиз жазыңыз!