Hindiston va Nepalda toshqin va ko‘chkilar: 70 kishi hayotdan ko‘z yumdi
Hindiston va Nepalda kuchli yomg'ir sabab bo'lgan suv toshqinlari va ko'chkilarda 70 kishi hayotdan ko'z yumdi, bedarak yo'qolganlarni qidirish ishlari davom etmoqda.
Hindiston va Nepalda kuchli yomg'irdan keyin sodir bo'lgan suv toshqinlari va ko'chkilar oqibatida Hindistonda 56, Nepalda 14 kishi hayotdan ko'z yumdi. Rasmiylar tabiiy ofatlarda 11 kishi bedarak yo‘qolganini ma’lum qildi.
Hindistondagi qurbonlarning mamlakat shimolidagi Uttar-Pradesh shtatida kuzatilganiga e'tibor qaratgan rasmiylar, mamlakatning turli hududlarida 46 kishining jarohatlangani va mingdan ortiq uyning zarar ko'rganini ma'lum qildi. Shtat boʻylab maktablarda taʼlim toʻxtatilgan boʻlsa-da, toshqindan jabr koʻrgan hududlarda qolib ketganlarni qutqarish harakatlari davom etmoqda.
Nepalning Baglung viloyatida uyning tuproq ostida qolishi oqibatida 4 kishi, jumladan 3 nafar bola halok bo'ldi. Mamlakatda jami 14 kishi halok bo‘lgani, 10 nafar nepallik ishchi bedarak yo‘qolganligi qayd etildi. Nepal rasmiylari mamlakatning 77 provinsiyasidan 49 tasida suv toshqinlari yuz berishi mumkinligi haqida ogohlantirdi.
Sharhlar (0)
Sharh yozish
Hali izoh qoldirilmagan. Birinchi izohni siz qoldiring!