Barzaniy: Peshmerga kuchlari AQSh qoʻshinlarini olib chiqib ketganidan keyin yuzaga kelishi mumkin boʻlgan har qanday tahdid bilan kurashishga tayyor

Erbilda boʻlib oʻtgan dasturda ishtirok etgan Barzani, AQSh va xalqaro koalitsiya kuchlarining Iroqdagi harbiy missiyasi tugaganidan keyin Peshmerga kuchlarining mintaqadagi har xil tahdidlarga qarshi kurashishga tayyor ekanligini maʼlum qildi. AQSh va koalitsiya kuchlarining Iroqdagi soʻnggi kuni ekanini tilga olgan Barzani, xalqaro koalitsiyaga terror tashkiloti DEASHga qarshi kurashda, Iroq mudofaasida va Peshmerga kuchlarini taʼlim berishda koʻrsatgan yordamlari uchun minnatdorchilik bildirdi.

Koalitsiya kuchlarining ketishi doʻstona munosabatlarga nuqta qoʻymaganini ifoda etgan Barzani, "Koalitsiya kuchlarining missiyasining tugashi bu doʻstlar bilan aloqalarning tugashi degani emas. Aytish mumkinki, aloqalar sifati boshqa sohaga oʻtib, boshqa shaklga olmoqda." Mintaqadagi baʼzi doiralar buni xavfsizlikning chekinuvchanligi sifatida koʻrishi mumkinligini ifoda etgan Barzani," Terror tahdidi hali ham davom etmoqda, ammo biz sizni ishontirib aytamizki, Iroq kuchlarining imkoniyatlari avvalgidan yaxshiroq va Peshmerga kuchlari mintaqa duch kelishi mumkin boʻlgan har qanday hujum yoki tahdid bilan kurashishga tayyor.”dedi.

AQSh va Iroqdagi koalitsiya kuchlarining tarixi

AQSh armiyasi Britaniya boshchiligidagi koalitsiya kuchlari bilan birgalikda 2003 yilning mart oyida Saddam Husayn biologik qurollar ishlab chiqarayotganini daʼvo qilib Iroqqa bostirib kirdi. Tinch aholi katta toʻlovlar toʻlagan va mamlakatda tartibsizlik hukm surgan bu jarayondan soʻng AQSh 2011-yil 18-dekabrda jangovar kuchlarini toʻliq olib chiqqanini eʼlon qilgan, ammo harbiy bazalardagi mavjudligini davom ettirgan. 2014-yil iyun oyida DEASH terror tashkilotining paydo boʻlishi bilan AQSh koalitsiya kuchlari bilan Iroqdagi harbiy mavjudligini yana oshira boshladi.

Chegarish jarayoni va Pentagon bayonoti

Iroq va AQSh 2024-yilda mamlakatdan harbiy kuchlarini olib chiqishga kelishib oldi. Iroq Bosh vazirining harbiy matbuot kotibi Sabah an-Numon 30-sentabr xalqaro koalitsiyaning Iroqdagi missiyasi tugashi va koalitsiya shtab-kvartirasi yopilishi kuni ekanligini eʼlon qilgan edi. Pentagonning soʻnggi bayonotida AQSh va koalitsiya kuchlarining Iroqdagi missiyasi yakunlangani rasman eʼlon qilindi.