АКШ президенти Трамп Ормуз кысыгынан чыгуу: "Биз башкарууну колго алабыз"

АКШнын президенти Дональд Трамп глобалдык энергетика коридорунун эң маанилүү транзиттик чекиттеринин бири болгон Ормуз кысыгы тууралуу жаңыча билдирүү жасады. Америкалык басма сөзгө билдирүү жасаган Трамп Вашингтон башкаруучулугунун Ормуз кысыгын түздөн-түз көзөмөлгө ала турганын, аймактагы аскердик жана стратегиялык катышуусун жаңы чен-өлчөмгө алып барарын жарыялады.

"Биз Босфордун Коргоочу Периштелери болобуз"

Өзүнүн таң калыштуу билдирүүсүндө Дональд Трамп АКШнын аймактагы келечектеги ролун аныктоодо укмуштуудай сөздөрдү айтты. Трамп: "Кысыкты колубузда кармайбыз жана балким анын башкаруусун колго алабыз. Биз кысыктын коргоочусу болобуз. Балким ага "Кысыктын коргоочу периштеси" деп атайбыз."деп, АКШнын Ормуз кысыгындагы аскердик жана административдик үстөмдүгүн арттыраарына ишарат кылды. Бул кадам дүйнөлүк мунай соодасынын өзөгү болгон бул маанилүү суу жолунда геосаясий тең салмактуулуктарды солкулдата турган кадам катары каралууда.

"Биз аны 50 жыл бекер коргодук, эми акча табабыз"

АКШнын мурдакы коопсуздук саясатын катуу сындаган Трамп, Ормуз кысыгынын коопсуздугун камсыз кылуунун каржылык сыйлыкка ээ болушу керектигин айтты. Аймакты жарым кылымдан бери эч кандай акы төлөбөстөн коргогондорун баса белгилеген АКШ президенти: «Босфорду 50 жыл коргодук, бирок анын акысын алган жокпуз, бекер коргодук, эми акча табабыз»,-деди.

Иран менен чыңалуу: "Алар убадаларынан кайтты, биз катуу жооп беребиз"

Трамп өз сөзүндө Иран менен болгон дипломатиялык жана аскердик келишпестиктерге да токтолуп, Тегеран администрациясын бутага алды. Ирандын мурунку келишимдерге ишенимдүү калбаганын айткан Трамп : "Келишим түзүлдү, ирандыктар убадаларынан кайтты. Алар убадаларынан ар дайым турушту. Биз бул адамдар менен 10 келишим түздүк. Ошондуктан аларга абдан катаал жооп беребиз"деп, Вашингтон менен Тегеран ортосундагы аскердик жана дипломатиялык тирешүүнүн дагы да күчөшүнө ишарат кылды.