Trampdan F-35 azadlığı: “Türkiyə böyük müttəfiqdir, qərarı mən verirəm”

ABŞ prezidenti Donald Tramp beynəlxalq ictimaiyyətdə geniş rezonans doğuran müdafiə sənayesi və xarici siyasət məsələləri ilə bağlı tənqidi açıqlamalar verib. İsrailin Türkiyəyə F-35 döyüş təyyarələrinin təhvil verilməsinin tərəfdarı olmadığına dair iddialara toxunan Tramp Ankara ilə əlaqələrin möhkəmliyini vurğulayaraq diqqətçəkən açıqlamalar verib.

Trampdan Türkiyəyə F-35 dəstəyi: "Türkiyə sadiq dostdur"

İsrailin Türkiyəyə F-35 döyüş təyyarələrinin satışı ilə bağlı müxalif mövqe tutduğuna dair iddialara cavab verən ABŞ prezidenti Donald Tramp açıq mövqe nümayiş etdirib. Tramp "Türkiyə böyük müttəfiq olub. Heç kim mənə nəyi satıb nə satmamalı olduğumuzu deyə bilməz"deyərək Vaşinqtonun suveren qərar vermə mexanizmini vurğuladı.

Ankarada NATO sammiti ilə bağlı təmasları zamanı bu məsələni daha əvvəl dəyərləndirən Tramp Türkiyə ilə əlaqələrin son dərəcə müsbət istiqamətdə getdiyini bildirib. F-35-lərin fövqəladə hərbi gücünə toxunan ABŞ prezidenti Türkiyəni sadiq dost kimi xarakterizə edib və bu istiqamətdə müsbət addımların atılacağına işarə edib.

İranla danışıqlarda kritik proses

Qlobal diplomatiya trafikinin ən mühüm mövzularından biri olan ABŞ-İran münasibətlərindən danışan Donald Tramp iki ölkə arasındakı danışıqların gələcəyi ilə bağlı nikbin mesajlar verib. Tramp İranla diplomatik təmaslara gəlincə, "Yaxşı şeylərin baş vermə ehtimalı kifayət qədər yüksəkdir. Əgər bu baş verməsə, o zaman iki gün əvvəl etdiyimizə qayıdacayıq" dediABŞ-ın danışıqlar masasındakı gücünü və alternativ planlarını xatırladıb.

Netanyahu ilə fikir ayrılığının etirafı

Mətbuatın Yaxın Şərq siyasətləri və xüsusilə də İran məsələsində İsrailin baş naziri Binyamin Netanyahu ilə eyni mövqedə olub-olmaması ilə bağlı sualını cavablandıran Tramp, iki lider arasındakı münasibətləri səmimi bir dillə ümumiləşdirib. Netanyahu ilə aramızda dərin bir uçurum olmadığını ifadə edən Tramp, “Aramızda cüzi fikir ayrılığı var, amma ümumilikdə kifayət qədər yaxınıq, bəli”deyərək Vaşinqton-Təl-Əviv xəttində strateji tərəfdaşlıq və yaxın koordinasiyanın davam etdiyini təsdiqləyib.